Poems: Red-Layt ni Luis Cabalquinto

Tumutugtog ang panuksong hating-dilim
At isang dosenang magkalaguyo

Ang nakakandado ang mga katawan:
Nagpapakabaliw sa aliw at halakhak

Ng musikang maharot at sadyang
Niyari sa himig ng mga kuliglig.

Upo, Pare, magteybol tayo ng maaamong
Tsiks, mag-order ng maraming bir

At mani, paliparin ang natitira pang
Gabi, lunurin sa alak ang inis sa trabaho
At hinanakit sa pamilya, ibaon ang tigas
Sa babae, gamutin ang masidhing libog.

© Luis Cabalquinto

| poets' bios |