dalawang pulis
sa Diskmuide
ang biglang humarang
sa dalawang Pinoy
na paroo't parito sa payapang kalye
ng payapang bayan ng Diskuide
hinahanapan uli ng pasaporte
hinalughog ang gamit, binasa ang sulat
inembistiga: saan, sino, bakit, paano, kailan
pinagsuspetsahan, binalaan
sa gitna ng payapang kalye at mga taong nagmamatyag
sa malayo, tila nagsasabing

       sabi ko na nga ba!

nakakainis kung bakit ba
sa Day of World Solidarity sa payapang Diksmuide
kung saan imbitado sa pagdiriwang
ang dalawang Pinoy
sumulpot ang dalawang pulis
upang sirain ang Araw
Ng Pandaigdigang Pagkakapatiran
ng dalawang Pinoy
sa payapang Diksmuide.

-Diksmuide, Belgium, ika-9 ng Marso

© Al Santos

| poets' bios |