Musikal
ni Luis Cabalquinto

Matapos panoorin sa Broadway
ang dulang musikal na "Miss Saigon"
ng anak kong isinilang dito
sa Amerika (na nakaligtaan
naming turuan ng katutubo
kong salitang Bikol o ng
Chabacano ng kanyang nanay;
at kukunti lang ang alam sa Pilipino)—
ayon siya ngayon, naliligo
sa banyo at kanta nang kanta
ala Kim ni Lea Salonga;
at kagabi din, sa masayang sabay
naming kainan, tanong pa nang
tanong kung kaylan daw namin
muling dadalawin ang Mayon sa Bikol
at ang Pasonanca sa Zamboanga.

© Luis Cabalquinto