Belat
Sentimyentong tagni-tagni
ni Mario Subito

Belat palalong bata
nadupilas ka
dahil sa singkong butas
na kinupit
ke mang kulas

Belat sa kabo
nakupitan pa
ulaga kasi
di makahagad
bundat kasi ang tiyan

Belat sa ale
madaldal kasi
sinabunutan nga
ni magdalena
hala, ngawa pa

Belat sa kulasisi
ni asyong
nahuli ni misis
na kumakalantari
kalbo na siya ngayon

Belat sayo burgis ka
sa dami ng binuntis mo
sinama mo pa
utol ni kabo
kalaboso ka ngayon.

© Mario Subito