PANAMILIT
Ni Victoria Kapauan-Gaerlan

Kung ang adlaw sa kabuntagon
dili sama kadan-ag
sa imong pahiyum

Ug ang kaudtohon
dili sama kainit sa
panaad nga gibaton

Ug ang hapuhap sa hangin sa kahaponon
dili mga kamot nga sa makausa
misuroy sa akong bukobuko

Ug mga anino sa kangitngit
dili hunghong nga mabati
bisa'g nag-inusara

Ug ang tun-og sa kaadlawon
dili bukton nga hugot
migakus usa mibiya

Kasayon ra unta nimo
hikalimtan.

© Victoria Kapauan-Gaerlan

| about the author |