Ani Joema sa kanyang tula
Hindi and paraan ng kamatayan
Ang lumilikha ng bayani
Anupa't may bayaning
Sa labanan nabubuwal
Mayroon ding pumapanaw
Dahil sa gutom at uhaw
Sa aksidente, sakit
At katandaan.

Ngunit anuman ang paraan
May isang hiblang
Sa lahat ng ito'y nag-uugnay;
Ang bayani ay yaong naglilingkod
Sa sambayanan hanggang kamatayan.

Sister Bernard
Mayumi at tahimik
Hindi beterano ng piketlayn
O parlamento ng lansangan
Ngunit masiglang tatalima
Basta't sa interes ng detenido
Ang gawaing gagampanan.

Sister Bernard
Isang tanglaw ng madidilim na piitan
Larawan ng tapat na pagmamalasakit
At taos-pusong pagmamahal
Bumubuhay sa pag-asa ng mga biktima
Ng tiranya't kalupitan.

Sister Bernard,
Isang butihing handog ng mga Carmelites
Sa bayang nagbabangon, pumipiglas
Mula sa daantaong kaapihan at paghihirap.

Kahit di ka kasingtanyag ng isang Balweg
O kasingtapang ng isang Agatep
Bayani ka pa ring mauukit
Sa puso't diwa ng political detainees.

Setyembre 15, 1984

© Isagani R. Serrano