home
from the editor's laptop
welcome readerpoemsessaysshort storiesportrait of an artistbibliographybooksarchivesindex to issuesabout us / submitcurrent issue

 

Harana sa Isang Kasama,
Hinahamon ang Tadhana
ni E. San Juan, Jr.

Pambihira ka

Matatag  matingkad mabagsik ang luntiang apoy sa iyong mga mata
Habang dumarampi ang hamog ng umaga
Sa iyong pisnging hinog sa pangarap ng dinukot at ibinilanggong       kinabukasan—
Nagliliyab ang iyong tapang, nakapapaso ang dingas ng iyong determinasyon—

Nabighani sa alindog ng iyong dangal habang lugmok sa panaginip
Nangahas ang kaluluwang lumantad madarang, nahimok ng kung anong       bagwis
Ng tukso sa bulong ng iyong labi’t galaw, tuloy naligaw sa paglalakbay--

Walang sindak mong binalangkas ang ordeng mapanganib at binungkal       ang landas
Namumukod sa madla, buntalang motor/dynamo ng bukang-liwayway….

Kahit sumabog ang pulbura sa mundong binagtas ng iyong budhi,
      wala kang takot
Hawak ang sulo ng katarungan, sumusugod ka—

Siklab ng huling paghuhukom, O armadong anghel—

         bumabangon sa iyong bisig at kamao ang mga biktima ng imperyalismo

Upang bawat nilalang ay magkaroon ng pambihirang katangian tulad mo—

Upang maging pangkaraniwan ang iyong pambihirang giting at kariktan—

O Paraluman ng pag-asa’t pagnanais, sisikapin kong ipagbunyi ang dahas
      ng iyong
            kabayanihan

Ang binhing inihasik ng talim ng iyong pagpapasiya

Bagamat baliw akong nakasubsob sa hiwaga ng guniguning masalimuot,
           
pinagtatalik ang nitroglycerine ng pagnanasa
                                                                                    at titis ng tadhana—

Walang makapipigil sa iyo, matatag at mabagsik, luntiang apoy ng himagsik
           
            kayumanggi,
                       
                        humahagibis ang katawan mong lumalagablab
                                               
                                    yakap ang bulalakaw ng pagkakapantay-pantay
                                               
                                                at yapos ng sanghaya
                                                           
                                                                                    ng pambansang kasarinlan.

© E. San Juan, Jr.

 

back to toptop | about the author



powered by
FreeFind

ANNE CARLY ABAD
The City is a Conch

Flesh for the Weary

JIM PASCUAL AGUSTIN

Birds will have Dominion When I Take Swallow Form

When You Finally Tell Me Where You are, Neither of Us will be the Same

IVY ALVAREZ
G

X

Penelope

Tumbling

Sijo

E. SAN JUAN, JR.
Harana sa Isang Kasama, Hinahamon ang Tadhana
poems | essays | stories | portrait of an artist | bibliography
from the editor's laptop | welcome reader | books | frontispiece
archives | index to issues | readers | about us
| current issue |